گلابی کالم

اگلی جماعتے چڑھنے کے بعد ارشد المعروف اچھّا جب دوبارتوں سکول میں پونچیا تو وہ ہتھ جوڑ کے سر کے سامنے کھلو گیا اور بڑی مَٹھی جئی آواز میں منتاں کرن لگ پیا۔سرجی میرے ابے نے آکھیا تھا جی کہ واڈھی کے دن لاگے آ گئے ہیں تو سرجی سے تھوڑی جئی چھٹیاں لے کے آنا۔۔۔اسیں سارے گھر دے جی رل مل کے محنت کرکے سال جوگے چارمن دانے جمع کر لواں گے جی۔
سر جی تہانوں تو چنگی طراں معلوم ہیگا جی ۔۔۔پورے سال کے بعد ایہو ای تو دن ہوتے ہیں جی ۔ جب پورے پنڈ والے واڈھی کے کماں کاراں میں رُجھ جاتے ہیں۔ بلکہ میرا تو ابا کہتا ہے جی۔ واڈھی (گندم کی کٹائی) کے دنوں میں جٹوں نے اپنی موئی ماں بھڑولے پا لئی تھی جی کہ جب دانے پھکے کے کم سے ویہلے ہوجائیں گے تو ماں کو بعد وچ دفنا لاں گے۔
اچھا کہن لگا۔۔۔ سرجی تسی ماسا فکر نہ کروجی۔۔۔ میں اک دن اپنے ابے کے ساتھ واڈھی کروا لیا کراں گا جی تے اک دن سکولے پڑھ لیا کراں گا جی۔۔۔ایس طرں ابا وی راجی۔تے۔سرجی وی راضی باضی۔یہ گل آکھ کر اچھا ۔مَٹھّا جیا ہسنے لگ پیا۔
اگلے دن اچھے نے سب توں پہلوں تے اپنے ہتھاں کے چھالے سر کو دکھائے۔سر جی ۔ دیکھو جی ۔میں ہے تے جٹاں د ا ہی منڈا ہوں جی۔پر میں نے کبھی کم شم نیءں سی جی کیتا۔میرے ابے نے میرے کو بڑا چِھندا رکھا ہوا ہے جی۔میرا ابا کہتا ہے کہ پتر رج کے کھایا پیا کر تے اپنی جان بنا۔ میرا ابا سویرے تڑکے میرے کو مٹھی لسی کے دھڑیڑکے میں مکھن کے پیڑے ڈال کے دیتا ہے جی۔۔۔ اور میرے ابے نے 1400 روپے کلو والے ولایتی باداموں کی گِریاں بھی میرے کو لیا کے دی ہوئی ہیں جی۔
سر جی ۔وچ جئے میرا دماغ خراب ہو گیا تھا جی۔ میں باداموں کی گِریاں خود کھانے کی بجائے۔اپنے کبوتروں کو کھوا دیتا تھا جی۔پھر میرے ابے کو پتا لگ گیا تے اوہنے میری ساری ٹہل سیوا تے چنگیاں چنگیاں کھان والیاں چیجاں بند کر دِتیاں ۔فیر میں سکولے داخل ہون دا وعدہ کیتا تے نال ای چنگا بندہ بنن کا یقین دوایا تو میرے گھار والے میرا اک واری فیر بڑا خیال رکھن لگ پئے۔
سر جی ۔ میں تہاڈے راہیں سارے بالاں کو دسنا چاہتا ہوں جی۔کہ سانوں اپنے ماں پیو نو ں کدی دھوکہ نیءں دینا چائی دا۔ تے اپنے ماپیاں دا ہر کہنا مننا چائی دا ہے جی۔ کیونکہ ہن میرے کو بھی عقل آ گئی ہے کہ ساڈے ماں پیو ای ساڈا سب توں بوہتا خیال رکھن والے ہوتے ہیں جی۔جیہڑا اپنے ماں پیو اور استاداں کا کہنا نہیں منتا ہے جی۔ اوہ سارے زندگی دھکے ای کھاتا ہے جی۔تسی مینوں سدھے راہے پا کے میری زندگی بدل کے رکھ دتی ہے۔میں تہاڈا دین نئیں دے سکدا جی۔
پھر اچھا کہنے لگا ۔ سرجی جب میرے ابے نے پرسوں میرے کو واڈھی کا دسیا تو میں میں اپنے ابے کو آکھیا ۔ابا داتریا ں تو اساں نے تیز کروائی نہیں ہیں۔واڈھی کیسے کریں گے۔میرے ابے نے چھیتی نال میرے کو چاچے غلام نبی گامے لوہار کی دوکان پر گھل دتا۔ جب میں چاچے غلام نبی گامے کی دوکان پر پہنچیا تو اوتھے بڑا رش لگیا ہویا تھا ۔میں نے سوچیا کہ لگدا اج تو رات بارہ ایتھے ای وج جان گے۔بعد وچ میرے کو پتا لگیا کہ چاچے گامے نے بھی اب ترقی کر لئی ہے۔ پہلے اوہ ٹکورے نال اپنے ہتھ سے سارے پنڈ کیداتریاں تیز کرتاہے۔ اب اس نے داتریاں تیز کر ن والی مشین لا لئی تھی۔اس کا کم بھی سوکھا ہو گیا تھا اور اس کے کمائی وچ وی وادھا ہو گیا تھا۔اک دن میں چاچے گامے نوں پچھیا۔؟ چاچا جی۔پہلوں تہاڈا ابا ۔ سارے جٹاں زمینداراں دا کم کرکے دیندا سی۔ ہن تسی سارے پنڈ دی سیوا کر رہے او۔ کی تسی اپنے پتر نوں وی ایہہ کم سکھایا اے۔؟
چاچے گامے نے آکھیا پتر۔آؤن والے وقت وچ ہن واہی بیجی دا سارا کم مشیناں نال ہو رہیا ہے ۔ اس واسطے میں اپنے پتر نوں اے کم نئیں سکھایا۔اوہ کوئی نوکری شوکری کر اپنا گزارہ کر لوے گا۔سر جی ۔ تساں کو بھی بتا ہے کہ پنچاں دساں سالاں وچ لوہاراں ترکھاناں دا سارا کم تقریباً ٹھپ ہو کے رہ گیا اے جی۔سارے لوک نویاں نویاں مشیناں نال اپنا واہی بیجی دا کم کرا لیندے نے جی۔کجھ لوکاں دا فیدا۔تے کجھ لوکاں دا نسقان وی ہویا اے جی۔
رات نوں داتریاں تیز کرا کے میں لیا کے اپنے گھار ککڑاں والے آلے کے اوپر رکھ دتیاں۔رات نوں ساڈیاں ککڑیاں نوں اک بلا کھان واسطے آیاتے میری اکھ کھل گئی ۔ میں اُچی آواز وچ رولا پا دتا۔بلا جدوں ڈر کے آلے کے اوپر چڑھن لگا تے اوہدے پیر تیز نوکیلیاں داتریاں نوں جا لگے۔تے اوہ لہوو لہوہان ہو اتھوں نٹھ گیا۔ میں کہیا۔ ہن چنگا ریاں ظالما۔تینوں تیریاں کیتیاں دا بدلہ اپنے مل گیا۔ سر جی اک وری ایسے ای بِلّے نے میرے پنج ست کبوتر مار چھڈے سی جی۔اوس ویلے میں بڑی اُچی اُچی رویا ساں جی۔ مینوں کسے نے چپ نئیں سی کرایا جی۔
سر جی اگراجازت ہووے تے ہن میں تھوڑا جیا پڑھ لواں جی۔؟ اپنی واڈھی کی کہانی میں تہانوں شام کو آکے سنا دیواں گا جی۔ سر نے کہا ۔ اچھے ٹھیک ہے ۔ابھی تم اپنی ٹیچر کے پاس جاؤ اور آج کا اور کل کا اکٹھا سبق لے لینا۔پھر دو دن کی کہانی ساری کی ساری سنانا۔اوکے سر جی۔ پھر ۔ رب راکھا۔